តេស្តក្រោយបញ្ចប់វគ្គ

បុរសម្នាក់បានឱ្យប្រាក់ទៅក្មេងប្រុសអាយុ ១៥ឆ្នាំ ដើម្បីឱ្យគាត់ស្រាតសំលៀកបំពាក់ចេញអស់ពេលកំពុងថត។ ក្រោយមក គាត់បានបង្ហោះរូបភាពនោះតាម បណ្តាញអ៊ីនធឺណិត។ បុរសម្នាក់ទៀតបានមើលឃើញរូបភាពនោះតាមអ៊ីនធឺណិត ពីផ្ទះរបស់ខ្លួនចម្ងាយ ៣០ គីឡួម៉ែត ក៏បើកមើល ហើយចែកចាយបន្តទៅគ្នីគ្នាគាត់ក្នុងបណ្តាញទំនាក់ទំនងសង្គម។ តើក្មេងប្រុសខាងលើរងគ្រោះដោយអំពើអ្វី?

ក្មេងស្រីម្នាក់មានអាយុ ១០ឆ្នាំ ហើយគ្រួសាររបស់នាងមានបញ្ហាជីវភាពប្រចាំថ្ងៃ នៅក្នុងភូមិដាច់ស្រយាលមួយ។ ឪពុកមារបស់នាងមានការងារដ៏ល្អមួយ ហើយតែងតែបានផ្តល់ប្រាក់កាសជួយដល់គ្រួសារនាងជាប្រចាំ។ ថ្មីៗនេះ ឪពុកមាបានសរសេរសារទៅនាងតាមហ្វេសប៊ុកសុំជួបនាងដោយសម្ងាត់។ នៅពេលជួបគ្នា ឪពុកមាសុំឱ្យនាងអង្គុយលើភ្លៅរបស់គាត់ ហើយចាប់ស្ទាបអង្អែលកន្លែងឯកជន (កេរភេទ) របស់គាត់។  តើក្មេងស្រីខាងលើរងគ្រោះដោយអំពើអ្វី?

ក្មេងប្រុសម្នាក់ឈ្មោះពិសិដ្ឋ មានអាយុ ១៦ឆ្នាំ ហើយមិត្តស្រីរបស់គាត់ឈ្មោះពិសី មានអាយុ ១៥ឆ្នាំ។ ពួកគេបានណាត់ជួបគ្នាអស់រយៈពេលមួយឆ្នាំ ហើយតែងរួមភេទជាមួយគ្នា។ ជួនកាលនៅពេលដែលពួកគេមិនអាចជួបគ្នាបាន ពួកគេផ្ញើរូបភាពអាក្រាតរបស់ខ្លួនទៅឱ្យគ្នាទៅវិញទៅមក។ មិត្តភ័ក្តប្រុសម្នាក់របស់ពិសិដ្ឋបានដឹងអំពីទំនាក់ទំនងនេះ និងលួចប្រើទូរស័ព្ទរបស់ពិសិដ្ឋ ផ្ញើសារបញ្ជូនរូបអាក្រាតតបស់ពិសីទៅឱ្យក្រុមមិត្តភ័ក្តដទៃទៀតរបស់ខ្លួន។ តើពិសីរងគ្រោះដោយអំពើអ្វី?

វត្តមានរូបភាពឬសម្ភារៈរំលោភបំពានផ្លូវភេទលើកុមារក្នុងប្រព័ន្ធអនឡាញអាចបង្កគ្រោះថ្នាក់ដល់កុមារបីយ៉ាងគឺ ១) គ្រោះថ្នាក់ដោយមាតិកា (រូបភាព វីដេអូ អត្ថបទ សំលេង) ដែលកុមារមើលឃើញ ២) គ្រោះថ្នាក់ដោយទំនាក់ទំនងផ្ទាល់ (ឧទា. ការឱ្យកុមារប្រព្រឹត្តសកម្មភាពផ្លូវភេទដើម្បីថតផ្សាយផ្ទាល់) និង ៣) គ្រោះថ្នាក់ដោយការប្រព្រឹត្ត (ឧទា. កុមារចែកចាយរូបភាពខុសច្បាប់បន្តទៅអ្នកដទៃ ឬកុមារប្រព្រឹត្តអំពើផ្លូវភេទលើកុមារដទៃ)។ តើប្រយោគនេះត្រូវ ឬ ខុស?